මෙවර විස්සයි විස්ස ක්‍රිකට් ලෝක කුසලානයේ මූලික වටයේ මුහුණ දුන් තරග 3 ම ජය ගනිමින් B කාන්ඩයෙන් අපරාජිතව සුපිරි කණ්ඩායම් 12 වටයට පිවිසීමට ස්කොට්ලන්තය සමත්වුනා.
ඕමානයට එරෙහිව අල් අම්රත් ක්‍රීඩාංගනයේදී ඊයේ පැවති තරගය කඩුලු 8 කින් ජය ගැනීමත් සමගයි ස්කොට්ලන්තයට මෙම අවස්ථාව හිමිවුනේ.
තරගයේ පලමුවෙන් පන්දුවට පහරදුන් ඕමානය සියළු දෙනා දැවී රැස් කලේ ලකූණු 122 ක් පමණයි. ස්කොට්ලන්තය පන්දුවාර 17 යි පන්දු දෙකකදී කඩුළු දෙකක් පමණක් දැවි ලකුණු 123 ක් ලබාගෙන තරගය ජයගත්තා.
B කාණ්ඩයෙන් සුපිරි කණ්ඩායම් 12 වටයට තේරී පත්වුනු අනික් කණ්ඩායම වන්නේ බංගලාදේශයයි.
ඔවුන් මූලික වටයේ තරග 3 න් 2 ක් ජය ගැනීමට සමත්වුනා.
මේ අතර මූලික වටයේ A කාණ්ඩයේ අවසන් තරග දෙක අද පැවැත්වීමට නියමිතයි.
ඉන් පළමු තරගය නැමීබියාව හා අයර්ලන්තය අතර ෂාජා හිදි පස්වරු 3.30 ට පැවැත්වෙනවා.
දෙවන තරගය ශ්‍රී ලංකා පිළ හා නෙදර්ලන්තය අතර රාත්‍රී 7.30 ට ආරම්භ වීමට නියමිතයි.
ශ්‍රී ලංකා පිළ මේ වන විටත් සුපිරි කණ්ඩායම් 12 සදහා තේරී පත්වී අවසන්.
