දහ අටවන වතාවට ක්‍රියාත්මක වන ජාත්‍යන්තර මුල්‍ය අරමුදල සමග වන එකඟතාවයන් බිඳ වැටුණොත් නැවත ක්‍රියාත්මක නොකරන බව ජාත්‍යන්තර මුල්‍ය අරමුදල දැනුම් දී තිබේ.
තමන්ට එම අරමුදලේ නියෝජිතයන් මේ බව දැනුම් දුන් බව ජනාධිපති රනිල් වික්‍රමසිංහ මහතා සඳහන් කළේය.
කොළඹදී පැවති සාකච්ඡාවකට එක්වෙමින් හෙතෙම මෙම අදහස් පළ කරන ලදී.
“අපි දැන් ගොඩ එන්නේ IMF එකත් ආණ්ඩුවත් අතර තිබෙන ගිවිසුම නිසා. ඒ ගිවිසුම වැටෙන්න දුන්නොත් ආයෙත් පෝලිම් යුගයකට යයි. අපි 17 වතාවක් IMF ගිවිසුම් කැඩුවා. මට කිව්වා 18 වන වතාවට කැඩුවොත් ආපහු මේක ක්‍රියාත්මක කරන්නේ නැහැ කියලා”
