සමගි ජන බලවේගයෙන් ඉවත්ව ආණ්ඩුවට එක්වන්නේදැයි විපක්ෂ නායක සජිත් ප්‍රේමදාස මහතා විසින් සමගි ජන බලවේග ජ්‍යෙෂ්ඨ මන්ත්‍රීවරෙයකුගෙන් විමසා ඇත.
අවස්ථා කිහිපයකදීම දුරකථනයෙන් ඔහුට ඇමතුවත් ඒ හරහා සම්බන්ධ කර ගැනීමට විපක්ෂ නායකට නොහැකි වී ඇත.
කෙසේ වෙතත් එම මන්ත්‍රීවරයාගේ බිරිඳ හරහා මන්ත්‍රීවරයා සම්බන්ධ කර ගැනීමෙන් පසු විමසා ඇත්තේත් ආණ්ඩුවට එක්වන බවට වාර්තා පළවන බවත් එසේ ආණ්ඩුවට නොයන්නේද යනුවෙනි.
මන්ත්‍රීවරයා සඳහන් කර ඇත්තේ තමන් සමගි ජන බලවේගයෙන් කිසිසේත්ම ඉවත් නොවන බවයි.
ආදාළ මන්ත්‍රීවරයා දශක දෙකකට වැඩි කාලයක් තිස්සේ රජයන් කිහිපයකදීම ප්‍රබල අමාත්‍ය ධුර දරන ලද බස්නාහිර පළාත නියෝජනය කරන්නෙකි.
ශ්‍රී ලංකා පොදුජන පෙරමුණේ අම්පාර දිස්ත්‍රික් පාර්ලිමේන්තු මන්ත්රී තිලක් රාජපක්ෂ මහතා සමගි ජන බලවේගය සමඟ එක් වී තිබේ.
විපක්ෂ නායක හා සමගි ජන බලවේග නායක සජිත් ප්‍රේමදාස මහතා මුණගැසී ඔහු එම පක්ෂයට එක්ව ඇත.
