ශ්‍රී ලංකා වොලිබෝල් කණ්ඩායම ආසියානු ශූරතා තරගාවලියට සුදුසුකම් ලබාගැනීමට අද සමත්වුනා.
ඒ ප්‍රබල උස්බෙකිස්ථාන කණ්ඩායම තරග වට 3ට බින්දුවක් ලෙස පරාජය කරමින්.
තරගයේ ලකුණු සටහන දැක්වුනේ 25-23, 25-13 සහ 25-22ක් ලෙසටයි.
ශ්‍රී ලංකා කණ්ඩායම මීට පෙර අවස්ථා දෙකකදී උස්බෙකිස්ථාන කණ්ඩායම ආසියානු ශූරතා තරගාවලිය තුල හමුවී ඇති අතර වසර 2011 සහ 2013 පැවති එම තරගවලදී තරග වට 3ට බින්දුවක් ලෙසට ජයග්‍රහණය වාර්තා කරන්නට ශ්‍රී ලංකා කණ්ඩායම සමත්වුනා.
1975 වර්ෂයේ ආරම්භ කෙරුණු ආසියානු ශූරතා වොලිබෝල් තරගාවලියේ ශ්‍රී ලංකා කණ්ඩායමක් මෙතෙක් දක්වා ඇති ඉහළම දක්ෂතාව වන්නේ තරගාවලිය 8 වැන්නන් ලෙසට නිමා කිරීමයි.
ඒ 2011 වසරේ පැවති ආසියානු ශූරතා වොලිබෝල් තරගාවලිය තුලදීයි.
2019 වසරේ පැවති ආසියානු ශූරතා වොලිබෝල් තරගාවලිය අවසානයේදී ශ්‍රී ලංකා කණ්ඩායම 14 වන ස්ථානය ලබාගත්තා.
