මාවනැල්ල නගරයේ පැවති වෙසක් පෙරහර අවසානයේ ඇතෙකු කුලප්පුවී තිබේ.
එලෙස කුලප්පූ වූ ඇතාගේ පහරදීමෙන් බරපතළ තුවාල ලැබූ ඇත්ගොව්වා මාවනැල්ල මූලික රෝහලට ඇතුළත් කර ඇත.
එම ඇතා මහනුවර දළදා මාලිගාවේ ඇත් පන්තියට අයත් රාජා නම් ඇතා බව අප වාර්තාකරු පැවසීය.
පෙරහර අවසානයේ රාත්‍රීයේ 8.00 පමණ එම සිදුවීම වාර්තා විය.
අප වාර්තාකරු පැවසුවේ කලබලයට පත්ව මාවනැල්ල නගරයට පැමිණි ඇතා මේ වනවිට විශේෂ ආරක්ෂාවක් යටතේ පොළ භූමියේ රඳවා ඇති බවය.
