ලාබාල අයකු හා තවත් අයකු සමග අනියම් පෙම ක් පැවැත්වූ තිදරු මවක එක් අනියම් සැමියකු එල්ල කළ වෙඩි ප්‍රහාරයකින් මියගොස් ඇතැයි මැදිරිගිරිය පොලිසිය කියයි.
මෙසේ මියගොස් ඇත්තේ මැදිරිගිරිය ධීවර ගම්මානය, මිරිස්හේන පදිංචි තිදරුමවකි.
ඝාතනය සිදු කළ බව කියන සැකකරු ඒ් ආසන්නයේම තිස්සපුර ප්‍රදේශයේ පදිංචි අවුරුදු 42 හැවිරිදි තිදරු පියෙකි. ඔහු වෘතියෙන් ධීවරයකු බව පොලිසිය පවසයි
ඝාතනයට ලක්වූ කාන්තාවගේ සැමියා විදුලිසැර වැදීමකින් මීට මාස 4 පමණ පෙර මියගොස් ඇති අතර ඒ් වන විටත් ඇයට වඩා වයසින් අඩු ලාබාල තරුණයකු සමග අනියම් සම්බන්ධයක් පවත්වාගෙන ගොස් ඇති බවට තොරතුරු ලැබී ඇතැයි පොලිසිය කියයි.
ලාබාල තරුණයා සමග ජීවත්වන අතර තුර ඇය වෙඩි තැබූ බව කියන තිදරු පියා සමග ද අනියම් ඇසුරක් ආරම්භ කර ඇති බවට තොරතුරු ලැබී ඇත.
එම පෙම් හබය දුර දිග යාමෙන් ඊයේ රාත්‍රී 7.10 පමණ මෙම කාන්තාව යාබද නිවසේ පදිංචි සිය මවගේ නිවසේ සිට පිසින ලද බත් භාජනයක් රැගෙන නිවස පිටුපසින් ඇගේ නිවසට ඇතුළු වෙද්දී වෙඩි ප්‍රහාරයට ලක්ව ඇතැයි පොලිසිය පවසයි.
වෙඩි වැදුණු අවස්ථාවේදීම තුවාලකාරිය මැදිරිගිරිය මූලික රෝහලට ඇතුළත් කර ඇති අතර එහි දී ඇය මියගොස් ඇත.
