මෙරට දී පැවැත්වෙන ශ්‍රී ලංකා ප්‍රිමියර් ලීග් ක්‍රිකට් තරඟාවලිය සඳහා දකුණු අප්රිකානු ක්‍රිකට් ක්රීඩකයන් කිහිප දෙනෙකු එක් වීමට නියමිතව තිබේ.
එසේ එකඟතාවයට පැමිණ සිටින ඇති ක්රීඩකයන් කිහිප දෙනකු මේ වන විට අබුඩාබිහි පැවැත්වෙන ක්‍රිකට් තරගාවලිය සහභාගී වී සිටීම නිසා එම ක‍්‍රීඩකයන්ට මෙරටට ගෙන්වීමේ දී ගැටළු ඇති වීමේ හැකියාව අවම බව ද වාර්තා වේ.
නමුත් එම තරගාවලියට එක් නොවූ දකුණු අප්රිකානු ක්රීඩකයන් කිහිප දෙනකු දකුණු අප්‍රිකාවේ සිට මෙරටට ගෙන්වීමේ දී යම් ගැටලුකාරී තත්ත්වයක් මතුවනු ඇතැයි වාර්තාවෙයි.
ඊට හේතු වී ඇත්තේ ඔමික්‍රෝන් වෛරස ප‍්‍රභේදය පැතිරී යාම මත දකුණු අප්‍රිකාව ඇතුළු රටවල් හයකින් ශ්‍රී ලංකාවට පුද්ගලයන්ට ඇතුළුවීමට තහනමක් පනවා තිබීමයි.
