ශ්‍රී ලංකා ක්‍රිකට් කණ්ඩායමේ දඟ පන්දු යවන ක්‍රීඩක වනිදු හසරංගට මෙවර ලෝක කුසලාන ක්‍රිකට් තරඟාවලිය අහිමි වීමේ අවදානමක් මතු වී තිබේ.
පසුගියදා පැවති ශ්‍රී ලංකා ප‍්‍රිමියර් ලීග් තරඟාවලියේදී ඔහුට ඇති වූ මස්පිඩු පෙරළීම තවමත් සුව නොවූ හෙයින් එම තත්ත්වය මතු වී ඇත.
ආසන්නයේදීම සිදුකරන පරීක්ෂණවලදී හෙළි වී ඇත්තේ ඔහුගේ පාදයේ ආබාධය තවමත් යහපත් අතට පත්වී නොමැති බවයි.
කෙසේ වෙතත් ඔහු ලෝක කුසලාන තරගාවලියට සහභාගී කරවීමට උපරිම උත්සාහ කරන ගන්නා බව ශ්‍රී ලංකා ක්‍රිකට් ආයතනය වෛද්‍ය මණ්ඩල ප්‍රධානී මහාචාර්ය අර්ජුන ද සිල්වා මහතා පැවසීය.
