ගොවීන් විසින් කෘෂිකාර්මික කටයුතු සඳහා ලබාගෙන ඇති සියලුම වගා ණය වහාම ක්‍රියාත්මක වන පරිදි කපා හැරීමට රජය තීරණය කර තිබෙනවා.
ඒ, ගොවි සංගම් කිහිපයක් විසින් ඉදිරිපත් කරන ලද ඉල්ලීම්වලට ප්‍රතිචාර දක්වමින්.
ගොවී ජනතාවට මූල්‍ය සහන සහ සහයෝගය ලබා දීමේ අරමුණින් රජය එම තීරණය ගෙන ඇති බවයි ජනාධිපති මාධ්‍ය අංශය පැවසුවේ.
මේ අතර රාජ්‍ය සේවයේ වැටුප් හා දීමනා ඉහළ නැංවීමට අදාළ උදය ආර් සෙනෙවිරත්න ජනාධිපති විශේෂඥ කමිටුවේ අවසන් වාර්තාවේ නිර්දේශ මුදල් අමාත්‍යාංශය හරහා ක්‍රියාත්මක කිරීමට නියමිතව තිබෙනවා.
එම වාර්තාවේ නිර්දේශවල සඳහන් වන ආකාරයට සියලු දෙනාගේ ආදායම් වැඩිකර දීම තම අපේක්ෂාව වන බවයි ජනාධිපති රනිල් වික්‍රමසිංහ මහතා පැවසුවේ.
