සජිත් කියන්නේ නගර සභාවේ කුණු ලොරියක් බව ජාතික ජන බලවේගයේ නායක, පාර්ලිමේන්තු මන්ත්‍රි අනුර කුමාර දිසානායක පැවසීය.
එම පක්ෂයේ රැලියකදී ඔහු මේ බව කියා සිටියේය.
වැඩිදුරටත් අදහස් දැක්වූ මන්ත්‍රිවරයා,
“සජිත් බලයට ආපුවාම මුස්ලිම් අයට රැවුල වවන්න දෙන්නේ නෑලු. මගෙන් කට්ටිය අහනවා මේ කතාව ඇත්තද කියලා. මම කිව්වා මමත් රැවුල වවලා ඉන්නේ කියලා. පස් වතාවක් දෙවියන් වදින්න දෙන්නේ නෑලු. මොන කතාද මේ. මේ දේශපාලනයද. සජිත්ගේ කඳවුර දේශපාලන වශයෙන් නන්නත්තාර වෙච්ච කඳවුරක්. නායකයාගේ සිට පහළ කෙනා දක්වාම මතයක් නෑ. ඉලක්කයක් නෑ. වැඩපිළිවෙළක් නෑ. කරන දෙයක් නෑ. ඔහේ බහුබූත කියවන නායකයෙක් ඉන්නවා. ඒකටම හරියන සෙට් එකක් ඉන්නවා. ඔච්චරයි සමගි ජනබලවේගයට වෙලා තියෙන්නේ.” යැයි ඔහු කීවේය.
