බටහිර ඉන්දීය කොදෙව් කණ්ඩායම සහ ශ්‍රී ලංකා කණ්ඩායම අතර පැවැත්වෙන පළමු ටෙස්ට් තරගයේ තෙවන දිනය වන අද (23) කොදෙව් කණ්ඩායම සිය පළමු ඉනිම සඳහා කඩුලු 9ක් දැවී ලකුණු 224ක් ලබා සිටිනවා.
වර්ෂාව හේතුවෙන් මේ වනවිට තරගය නතර කර ඇති අතර කොදෙව්වන් මේ වනවිට සිටින්නේ ශ්‍රී ලංකාව පළමු ඉනිමේ ලබා ගත් ලකුණු සංඛ්‍යාවට වඩා ලකුණු 162ක් පසුපසිනුයි.
ශ්‍රී ලංකා පන්දු යවන්නන් වෙනුවෙන් රමේෂ් මෙන්ඩිස් සහ ප්‍රවීන් ජයවික්‍රම කඩුලු 3 බැගින් ලබා ගැනීමට සමත් වුණා.
හත්වැනි කඩුල්ල සඳහා ලකුණු 63 ක සම්බන්ධතාවක් ගොඩනැංවූ කයිල් මේයර්ස් (45) සහ හිටපු නායක ජේසන් හෝල්ඩර් (36) පිට පිටම දෙවැනි වතාවටත් පන්දුවට පහරදීමේ අවමානයෙන් කොදෙව් පිල ගලවා ගනු ලැබුවා.
