ශ්‍රී ලංකා පොදු ජන පෙරමුණ හා ජනාධිපති රනිල් වික්‍රමසිංහ මහතා අතර ජනාධිපතිවරණ අපේක්‍ෂකත්වය සම්බන්ධයෙන් ඇතිවී තිබෙන මතභේදාත්මක තත්ත්වය ඉතා උග්‍ර තත්ත්වයට පත්ව තිබෙන බව වාර්තා වෙයි.
මෙම තත්ත්වය මත ශ්‍රී ලංකා පොදුජන පෙරමුණේ දැනට ආණ්ඩුව පවත්වාගෙන යනු ලබන පාර්ලිමේන්තු මන්ත්‍රීවරුන් එකසිය විස්සකට ආසන්න ප්‍රමාණයන් අති බහුතරයක් ජනාධිපතිවරයාට සහාය පල කිරීමට තීරණය කර ඇතැයි ද සඳහන් වෙයි.
ඔවුන් ආසන්න වශයෙන් මන්ත්‍රීවරුන් අනූවක් පමණ වන බවද දැනගන්නට ඇත.
ඉතිරි මන්ත්‍රීවරුන්ගෙන්ද මහින්ද රාජපක්ෂ මහතා ඇතුළු කණ්ඩායම සමග සිටිනු ඇතැයි පැවසෙන්නේ අඩකටත් අඩු පිරිසකි.
මෙම තත්වයන්ට ප‍්‍රධානතම හේතුවක් වී ඇත්තේ ඊළඟ පාර්ලිමේන්තු මැතිවරණයේදී ඔවුන්ට නායකත්වයක් ලෙස පෙන්විය හැකි පුද්ගලයකු නොමැති වීමයි.
මහින්ද රාජපක්ෂ මහතා දැනට ශාරීරික වශයෙන් යම් අපහසුතාවයන්ගෙන් පෙළීම හා පොදු ජන පෙරමුණට මෙතෙක් රට පිළිගන්නා ජනාධිපති අපේක්ෂකයෙක් නම් කර ගැනීමට නොහැකි වීමද ඊට දැඩිව බලපා ඇත.
මේ සම්බන්ධයෙන් ශ්‍රී ලංකා පොදුජන පෙරමුණේ ප්‍රධානියෙකුට මෑතකදී එම පක්ෂයේම තවත් ඇමතිවරුන් කිහිප දෙනෙකු විසින් දැඩි ලෙස කරුණු තේරුම් කරදී තිබේ.
ඔවුන් පෙන්වා දී ඇත්තේ ඉදිරි ජනාධිපතිවරණයේදී ජයග්‍රහණය කළ හැකි පුද්ගලයෙකු හෝ රට පිළිගන්නා පුද්ගලයෙකු ඉදිරිපත් කළ යුතු බවටයි.
එසේ නොවන්නේ නම් පොදු ජන පෙරමුණ බෝඩ් ලෑල්ලකට පමණක් සීමාවේ ඉතා සුළු පිරිසක් ඉතිරි කර අනෙක් පිරිස වෙනත් මාර්ගයන් තෝරා ගනු ඇති බවයි.
දැනටද වාර්තා වන අන්දමට පොදු ජන පෙරමුණ මූලස්ථානයේ මාධ්‍ය සාකච්ඡා සඳහාද සහභාගි වන මන්ත්‍රී පිරිස ඉතා සීමිත වී තිබේ.
දින දෙක තුනකට වරක් එහි පවත්වන මාධ්‍ය හමු සඳහා සහභාගිවීමෙන් සිටින්නේ කිහිප දෙනෙකුගෙන් යුතු කුඩා කණ්ඩායමක් පමණි.
නමුත් ජනාධිපති මාධ්‍ය කේන්ද්‍රයේ පවත්වන මාධ්‍ය හමු සඳහා පොදු ජන පෙරමුණේ මැති ඇමතිවරුන් රැසක් සහභාගි වෙමින් සිටී.
එමෙන්ම විජේරාමයේ ජනාධිපතිට නිල නිවසේ මහින්ද රාජපක්ෂ මහතා හමුව කතාබහ කිරීමටද පැමිණෙන පොදුජන පෙරමුණේ මැති ඇමැති ප්‍රමාණය දැඩි දෙස සීමා වී ඇත.
බැසිල් රාජපක්ෂ මහතා හෝ පොහොට්ටුවේ වෙනත් නායකයින්ටත් අද වන විට එම තත්ත්වයට පත්ව ඇතැයිද සමීප තොරතුරු වාර්තා කරයි.
ඉන්දික අනුරුද්ධ දැඩි විවේචනයක
ජනාධිපති රනිල් වික්‍රමසිංහ මහතාගේ ප්‍රධානත්වයෙන් කඩවත නගරයේදී පැවති ‘එක්ව ජයගමු’ ජනරැළිය සම්බන්ධයෙන් ශ්‍රී ලංකා පොදුජන පෙරමුණේ පාර්ලිමේන්තු මන්ත්‍රී රාජ්‍ය අමාත්‍ය ඉන්දික අනුරුද්ධ මහතා දැඩි විවේචනයක් එල්ල කළේය.
තම පක්ෂයේ ඇතැම් පිරිස් විරුද්ධවාදීන් සමඟ අශුද්ධ සන්ධාන ගොඩ නගමින් පොදුජන පෙරමුණ විනාශ කිරීමේ උත්සාහයක නිරත සිටින බවට ඔහු සඳහන් කළේය.
ඒ මහතා මෙම අදහස් පළ කරන ලද්දේ ශ්‍රී ලංකා පොදු ජන පෙරමුණ විසින් සංවිධානය කරන ලද බිංගිරිය ප්‍රදේශයේ ජන හමුවක් අමතමිනි.
ඔහු එම ජන හමුවට සහභාගි වූයේ කඩවත ප්‍රදේශයේ එම අවස්ථාවේම තිබූ ‘එක්ව ජයගමු’ ජන හමුවට සහභාගි වීම ප්‍රතික්ෂේප කරමිනි.
‘අද ගම්පහ එකට නැගිටින්න හදනවා. අද ගම්පහ එකට නැගිටින්න හදද්දී අපි බලනවා අපිට එකට නැගිටින්න තියෙන්නේ කා එක්කද කියලා. අද අපිට එකට නැගිටින්න තියෙන්නේ අපේ විරුද්ධවාදින් එක්ක.
ඉතින් ඒ නිසා අපි දෙපරක් හිතන්නේ නැතුව අද ගම්පහ එකට නැගිටින එක පැත්තකට තියලා මුළු රටම නැගිටවන්න බිංගිරියට ගම්පහින් අද ඇවිල්ලා ඒ ශක්තිය දෙනවා කියන එක අපි ඔබ තමුන්නාන්සේලාට කියනවා.
එක්ව නැගිටිමු කියලා පටන් ගත්තේ රජයේ වැඩපිළිවෙළ ගැන කතා කරන්න. හැබැයි එතන කතාවෙන්නේ රජයේ වැඩ පිලෙන නෙවෙයි.
එතන කතා කරන්නේ පොහොට්ටුව චප්ප කරලා පොහොට්ටුවෙන් කෑලි කඩලා පොඩි ප්‍රමාණයක් අරගෙන ඔබේ දිස්ත්රික් නායකයා වගේ කළුතර දිස්ත්රික් නායකයා වගේ අපේ අනුරාධපුරයෙන් දිස්ත්රික් නායකයින් වගේ අපේ පක්ෂයේ අය පැත්තකට කරලා හදන අසුද්ද සන්ධානක් කියන එක දැන් ප්‍රසිද්ධ වෙලා හමාරයි. අපිට ඒකට යන්න බෑ.
මේ සාක්ෂි දරන සියලු දෙනා මහින්ද රාජපක්ෂ මැතිතුමාගේ පින්තූරය බලයෙන් පිහිටෙන් පාර්ලිමේන්තු ගිය අය මිසක් ඒගොල්ලන්ගේ අප්පච්චිලගේ බලෙන් ගියා අය නෙමෙයි. කෙලෙහිගුණ තියෙන්න ඔ්න මනුස්සයො වෙච්චහම’
