ශ්‍රී ලංකා නිදහස් පක්ෂයේ සහ ජනතා විමුක්ති පෙරමුණේ ප්‍රාදේශීය සංවිධායකවරුන් කිහිප දෙනෙකු විපක්ෂ නායක සජිත් ප්‍රේමදාස මහතා හමු වී සමගි ජන බලවේගය සමග එක්වී තිබෙන බව ප්‍රවෘත්ති නාලිකා කිහිපයක්ම වාර්ථා කර තිබුණා. ඒ සමගි ජන බලවේගය විසින් ක්‍රියාත්මක ජන පවුර වැඩසටහනේ පොළොන්නරුව දිස්ත්‍රික් රැස්වීම පැවැති අවස්ථාවේදී ය.හිටපු පාර්ලිමේන්තු මන්ත්‍රීවරයකු සහ හිටපු අමත්‍යවරයකු වූ නන්දසේන හේරත් මහතා විපක්ෂ නායක සජිත් ප්‍රේමදාස මහතාට සහාය පළ කිරීමේ අරමුණින් සමගි ජන බලවේගය හා එක්විය.එමෙන්ම ශ්‍රී ලංකා නිදහස් පක්ෂයේ හිටපු පාර්ලිමේන්තු මන්ත්‍රීවරයකු මෙන් ම මහවැලි සංවර්ධන අධිකාරියේ අධ්‍යයක්ෂවරයකු ලෙස කටයුතු කළ තිලක් මහලේකම්ගේ මහතා ද සමගි ජන බලවේගය හා එක්විය.තවද ජනතා විමුක්ති පෙරමුණේ පොළොන්නරුව නගර සභාවේ අපේක්ෂකයෙකුව සිටි එච්. සමන්ත බණ්ඩාර මහතා ද විපක්ෂ නායක සජිත් ප්‍රේමදාස මහතාට සහාය පළ කිරීමේ අරමුණින් සමගි ජන බලවේගය හා එක්ව තිබේ.යනුවෙන් එම පුවත් හරහා වැඩි දුර තොරතුරු අනාවරණය කරනය කර තිබුණා.
නමුත් අපකල තොරතුරු සොයාබැලීමේදී සජිත් ප්‍රේමදාස මහතාට සහයෝගය ලබාදුන් බව කියන ජාතික ජනබලවේගයේ අපේක්ෂකයා යැයි කියූ ශ්‍රී ලංකා නිදහස් පක්ෂයේම අපේක්ෂකයෙකු බව අනාවරණය උනා. සමාජ මාධ්‍ය ක්‍රියාකාරීන්ගේද දැඩි විවේචනයට ලක්ව ඇති අදාල සිදුවීම සමගි ජනබලවේගය විසින් සිතාමතාම ජනතාව නොමගයැවීමේ අරමුනින් යුක්තව බෙදා හරින ලද තවත් අසත්‍ය තොරතුරක් බව සමාජ මාධ්‍ය හරහා චෝදනා එල්ල වෙමින් පවතිනවා.
