මීලග ජනාධිපතිවරණ අපේක්ෂකයා ලෙස රනිල් වික්‍රමසිංහ මහතා ඉදිරිපත් වනු ඇතැයි බොහෝ දෙනා බලාපොරොත්තු වන බව අමාත්‍ය ප්‍රසන්න රණතුංග මහතා සඳහන් කරයි.
එවිට ඔහුට ඒ සඳහා උදව් වීමට කිසිදු ගැටළුවක් නැතැයිද අමාත්‍යවරයා පැවසීය.
රනිල් වික්‍රමසිංහ මහතා ගන්නා ඇතැම් තීන්දු ජනප්‍රිය තීන්දු නොවුනද ඒවා රටේ අනාගතය වෙනුවෙන් ගතයුතු තීන්දු බවත් හෙතෙම සඳහන් කරයි.
එම තීන්දු මත අද රට යම් ස්ථාවර මට්ටමකට පැමිණ ඇති බවත් ඒ මහතා කියා සිටියේය.
ඊළඟ මැතිවරණයේ දී රනිල් වික්‍රමසිංහ මහතාට උදව් කරන්නේද නැද්ද යන්න පොදුජන පෙරමුණේ කිසිවකු පවසා නැති බව ද පැවසූ ඔහු ජනාධිපතිවරණයක් ප්‍රකාශයට පත් කළ විට අපේක්ෂකයා කවුදැයි පැවසිය හැකි යයිද තවදුරටත් කියා සිටියේය.
කොළඹදී පැවති මාධ්‍ය හමුවක් අමතමින් ඒ මහතා මෙම අදහස් පල කරන ලදී.
